نشرت وزارة الأوقاف منشورا جديدا عبر صفحاتها على مواقع التواصل الاجتماعي، ضمن مبادرة “صحح مفاهيمك”، بعنوان: “حياتك أجمل بالوعي.. ما تبقاش فريسة للنصب الإلكتروني!”.
وبدأت الوزارة منشورها: “في زمن بقت فيه التكنولوجيا جزء من كل تفاصيل حياتنا، بقى الوعي والحذر ضرورة، علشان ما نقعش في فخاخ النصب الإلكتروني؛ لأن المؤمن كَيِس فَطِن، يعني ذكي يميز بين الصح والغلط، وما حدش يقدر يضحك عليه”.
وأضافت: “ليه ناس كتير بتقع في النصب الإلكتروني؟.. المحتالين ما بيسرقوش بالقوة، لكن بيستغلوا الطمع في الفلوس السهلة والرغبة في المكسب السريع، وبيقدموا عروض خادعة زي: حط 1000 جنيه وهتكسب 10,000 في أسبوع!.. مبروك! كسبت جايزة كبيرة، اضغط هنا!.. وظيفة بمرتب خرافي من غير خبرة!”.
وأوضحت: “لكن الحقيقة إن دي كلها أوهام، والمكسب السريع ده مش رزق حلال، ده مقامرة على فلوسك وقوت عيالك! ، وسيدنا عمر بن الخطاب رضي الله عنه قال: “لستُ بالخب، وليس الخب يخدعني”؛ يعني مش بغش حد، لكن كمان محدش يقدر يغشني”.
وأضافت: “الحل؟ خليك واعي.. واشتغل بجد! وبدل ما تدور على الربح السريع اللي في الآخر خسارة، استثمر في نفسك وطور مهاراتك، هو ده الطريق الحقيقي لزيادة دخلك: اتعلم مهارة جديدة زي التصميم، البرمجة، التسويق، أو أي حرفة مفيدة”.
وأوضحت: “اشتغل بجد وأتقن شغلك، وربنا يباركلك في رزقك.. ما تجريش ورا أي عرض مش واضح، واسأل وتأكد قبل ما تحط فلوسك في حاجة ما تعرفهاش”.
واختتمت الوزارة منشورها: “الوعي مش رفاهية.. ده حماية ليك ولأسرتك، وما تسمحش لحد يستغفلك أو يسرقك، وخلي عقلك دايما حاضر”.
أخبار مصر, بوابة الشروق
1 مايو، 2026